|
– „Шак-шубҳасиз, Биз дилингизни сиқилишини билурмиз“. [15:97]
4- Биринчи қибланинг иккинчи қиблага ўзгартирилиши ҳақ эканини яҳуд ва насоролар яхши билишларини Аллоҳ бизга маълум қиляпти. Чунки улар Муҳаммад с.а.в. ўзларининг китобларида тавсифланган ўша пайғамбар эканликларини, у киши икки қиблага қараб намоз ўқишларини яхши биладилар. Шунингдек, улар Пайғамбар с.а.в.нинг Парвардигоридан олиб айтаётган гаплари шак-шубҳасиз ҳақ эканини ҳам яхши биладилар.
Аллоҳ оятни уларнинг қилаётган ишларидан Ўзининг хабардорлигини, ҳаммасини ҳисоблаб турганини, қибланинг ўзгартирилиши масаласида бўладими, бошқада бўладими, Пайғамбар с.а.в.ни ҳар бир инкор қилишлари учун уларни ҳисоб-китоб қилиб, уларга ўта қаттиқ ва ҳақли жазо, азоб беришини билдириб қўйиш билан якунлаяпти. Уларнинг биронта иши Аллоҳнинг назаридан четда қолмайди.
وَمَا اللّهُ بِغَافِلٍ عَمَّا يَعْمَلُونَ
(Аллоҳ улар қилаёган амаллардан ғофил эмасдир).
(الَّذِينَ أُوْتُواْ الْكِتَابَ китоб берилган зотлар). Улар аҳли китобларнинг олимлари. Бунга қарина мана бу оят:
لَيَعْلَمُونَ أَنَّهُ الْحَقُّ مِن رَّبِّهِمْ
(Албатта бунинг Парвардигорлари томонидан (келган ҳақ ҳукм) эканини биладилар). Биладиганлар, яъни, тақлидсиз ўзлари биладиганлар уни ўқийдиган ва унинг ичидаги маъноларни биладиган аҳли китоб олимларидир.
5- Аллоҳ Таоло охирги оятда ўтган оятда ишора қилиб ўтилган олимлар ва руҳонийлар ҳар қанча кучли ҳужжат келтирилмасин, барибир мусулмонларнинг қибласига ҳеч қачон эргашмаслигини, чунки улар бирон бир шубҳа, далилнинг етишмаслиги туфайли эмас, балки ўзларининг манманликлари, саркашликлари туфайли мусулмонлар қибласини инкор қилаётганларини баён қилади. Бу ишнинг ҳақлиги уларнинг китобларида бор. Улар буни жуда яхши биладилар. Бундай одамлар билан ҳужжат талашишнинг фойдаси йўқ. Шу ерда бир савол туғилади. Уларнинг айримлари қандай қилиб имон келтирдилар? Чунки бу оят Пайғамбар с.а.в.нинг замонларидаги аҳли китоб олимлари ҳақидадир. Улар ҳақни билиб туриб, манманлик ва саркашлик билан унга имон келтирмадилар. Бу ердаги айримлари, деган сўз яҳудлар ва насоролар оммасидан бошқаларга алоқадор эмас. Улардан айримларининг имон келиш эҳтимоли борлигини инкор ҳам қилмайди.
41-бет
Бетлар:1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208